چەند زانیاریی یەکی بەسود بۆ ئەو پەنابەرانەی بەڕێگای ئاودا بەنیازی پەڕینەوەن
usr_web171_1
ئایار 2, 2016
ماڵه‌وه, ناوه‌ندی هه‌واڵگری
606 Views
چەند زانیاریی یەکی بەسود بۆ ئەو پەنابەرانەی بەڕێگای ئاودا بەنیازی پەڕینەوەن
جەمال کۆشش
هێلی تەلەفۆنی گەرم یان هێلی تەلەفۆنی فریاگوزاری
پرۆژەی چاودێری ناوەند –تەلەفۆنی فریاگوزاری
0033486517161
پرۆژەی چاودێری ناوەند، هێڵێکی گەرمی فریاگوزاری یە لە کاتی لێقەومان لەنێو دەریادا. ئەمە بەهەمیشەیی لەلایەن چالاکوانان لەئەوروپا وئەفریکای باکوور بەڕێوەدەبرێت. لەکاتی پەیوەندیگرتنێکدا لەلایەن هانابەرانەوە، ئەم هەلسوڕاوانە یەکسەرە پەیوەندی بە یەکەی چاودێری دەریاوانیەوە دەکەن و بەهەموو توانایان گوشار دەهێنن ،تا بە کردەوەیی لێقەوماوان ڕزگاربکرێن.
هەروەها ئەم تۆڕە لەسەر پێشێلکارییەکانی مافی مرۆڤ هەڵدەدا لەچەشنی کەمترخەمی ڕاپەڕاندنی ئەرکی ڕزگارکردن یان گەڕاندنەوەی بەلەمەکان لە سنورە دەریایە نێونەتەوەییەکان ولە سنورەئاوییەکانی ئەوروپاوە بۆ تورکیا و ئەفریکای باکور.
لەپایزی ٢٠١٤ ەوە کەئەم پرۆژەیە دامەزراوە، لەلایەن زیاتر لە ١٥٠٠ ((بەلەم )) ەوە پەیوەندی پێوەکراوە. لەڕێگای بەبەڵگەیی کردن ودۆکیومنتکردنێکی چڕوپڕەوە بۆ،هەر پێشهات وڕوداوێک، هەوڵدەدەین بیروڕای گشتی هەستیار بکەین بۆ ئەم کێشەیە وخۆشمان بەبەردەوامی هەوڵ بۆ دابینکردنی ڕێگایەکی ئاسایش و مەشروع بەرەو ئەروپا دەدەین.
خودی ئەم ژمارەیە، ژمارەی ڕزگارکردن نیە، بەڵکە ژمارەیەکە یارمەتی دەدات بۆ ئەنجامدان کردەوەی ڕزگارکردنەکە.
کاتێک لەدەریادا تەنگەتاو بویت ئەم کارانە ئەنجامبدە:
١.پەیوەندی بە ئێشکگرە دەریاوانیەکانەوە بگرە بۆ ئەنجامدانی ڕزگارکردنتان.
٢.پەیوەند بەهێلێ گەرمی ئێمەوە بگرە وئێمە هەڵدەستین بەئاگادارکردنەوەی ئێشکگرە دەریاوانیەکان وچاودێریان دەکەین کە کارەکە چۆن جێ بەجێ دەکەن.
٣.ئەگەر یەکسەرە هەڵنەستان بەئەنجامدانی دەست وبردی کارەکانیان، ئێمە بەرپرسیارانی سیاسی و دەزگاکانی ڕاگەیاندنی لێ ئاگادار دەکەینەوە وگوشار دەخەینە سەریان.
ئەگەر ویستیان دیپۆرتان بکەنەوە ئەم کارانە ئەنجامبدە:
١.پەیوەندی بەهێڵی گەرمی ئێمەوە بکە.
٢. ئێمە هەوڵدەدەین تەدەخول بکەین وشایەدی دەدەین لەسەر ئەوەی کەچۆن وچی ڕوویداوە ودەیکەینە بە بەڵگە.
٣.ئێمە بەرپرسیارانی سیاسی و دەزگاکانی ڕاگەیاندنی لێ ئاگادار دەکەینەوەو گوشار دەخەینە سەریان.
تکایە ئەگەر لەتوانادا بوو بەزمانی ئینگلیزی یان فەرەنسی پەیوەندییەکەمان لەگەڵ بگرن.
IFIR-Ku فیدراسیۆنی سەراسەری پەنابەرانی عێراقی
