لە هەڵمەتێکی سەربازیدا زیاتر لە سەد پەنابەر رزگارکران
usr_web171_1
نیسان 8, 2021
ماڵه‌وه, ناوه‌ندی هه‌واڵگری
151 Views
لەناوەندی هەواڵگری فیدراسیۆنەوە: لە هەڵمەتێکی سەربازیدا زیاتر لە سەد پەنابەر رزگارکران
هیوا خدر: بەناوەندی هەواڵگری فیدراسیۆنی ڕاگەیاند لەڕێکەوتی ١٠/٣/٢٠٢١هێزە سەربازیەکانی لیبیا بۆ مەبەستی گەڕان بەدوای ئەو قاچاخچیانەی بازرگانی بەژیانی پەنابەرانەوە دەکەن وە دەستگیرکردنیان چەند پەناگەیەکیان لە ناوچەی (بني وليد ) دۆزیەوە بە دوری ( ١٧٠ )کم لەباشوری ڕۆژهەڵاتی شاری ( تەڕابلوس ) کە ( ١٢٠ ) سەدوو بیست پەنابەر تێیاندا زیندانی کرابوون کە زۆرینەیان پەنابەرانی ووڵاتی ( میسر ) بوون سەرجەمیان ئازاد کران”
هەروەها ووتیشی”بەرپرسانی سەربازی لیبیا ئاماژەیان بەدەستگیرکردنی گەورەترین و باناوبانگترین قاچاخچی کرد لە هەڵمەتەکەیاندا لەگەڵ کۆمەڵێک کەسانی تری بیانی کە کاریان ڕەفاندن و ئەشکەنجەدان و کوشتنی پەنابەران بووە”
بەپێی لیدوانی بەشێک لەپەنابەرە قوربانیەکان” لە کاتی دەستبەسەرکردنیان بەردەوام سوکایەتیان پێکراوەو ئەشکەنجە دراون”
شایەنی باسە لە دوای رووخانی دەسەڵاتی قەزافی و نەمانی یاسا لیبیا بۆتە دەروازەیەکی سەرەکی بۆ پەڕینەوەی هەزارەها پەنابەر بۆ وولاتانی ئەوروپا کە زۆرینەی ئەو پەنابەرانە دەکەونە ژێر دەسەڵاتی بێبەزەی قاچاخچیەکان جگە لەسوکایەتی و ئەشکەنجەدان رووبەرووی مەرگیش دەبنەوە.
IFIR-Ku فیدراسیۆنی سەراسەری پەنابەرانی عێراقی
