IFIR-Ku فیدراسیۆنی سەراسەری پەنابەرانی عێراقی
Related Articles
بەتلیس:
ئەمرۆ ١١/٤/٢٠٢٢ لە گوندی بەهچێ دێرێ لەناوچەی ئادیل جێڤاز سەر بەشاری بەتلیس لە ئاکامی وەرگەڕانی مینی پاسێکدا ٤چوار پەنابەر ژیانیان لەدەستداو ٢٣ پەنابەرو شۆفێرەکەش برینداربوون بەپێی لێدوانی پۆلیس مینی پاسێک کە تەنها توانای هەڵگرتنی ١٢ کەسی هەیە بەڵام ٢٦ پەنابەری هەڵگرتبوو کاتێک نزیک دەبیتەوە لە کۆنترۆڵی پۆلیس لادەداتە ڕێگایەکی خۆڵ بۆ دەربازبوون لە پۆلیس بەخێرایەکی زۆر خۆی دەکێشێت بە تەپۆلکەیەکی خۆڵدا
پۆلیس ڕاشیگەیاند هەر لەسەرەتایی ڕووداوەکە تیمی پزیشکی گەیشتۆتە شوێنی ڕووداوەکەو ١٣ پەنابەریان چارەسەری سەرەتاییان بۆ کراوەو ٨ پەنابەریشیان ڕەوانەی نەخۆشخانەی حکومی شارەکە کراون و دوو پەنابەریشیان ڕەوانەی نەخۆشخانەیەکی تایبەتکراون تەرمەکانیش ڕەوانەی پزیشکی دادوەری شارەکە کراون هەر لەسەر ڕووداوەکە پۆلیس ڕایگەیاند چەند کەسێکی تر دەستگیرکراون کە بە ئۆتۆمبێلێکی تر لەپێش مینی پاسەکەوە ڕۆیشتون و ڕێبەریانکردوون سەبارەت بە ڕەگەزنامەی پەنابەرەکانیش تا ئێستا ئاشکرا نەکراوە
