هاوڵاتیه‌کی کورد له‌ فه‌ره‌نسا له‌ڕووداوێکی ته‌مومژاویدا ژیانی له‌ده‌ستدا

Related Articles

هەڵمەتی دیپۆرتکردنەوەی پەنابەرانی عێراقی لە ئەڵمانیا تاوانێکە دەرهەق بە پەنابەران و دەبێ رابگیرێ!

ئازار 10, 2025

٨ی مارس رۆژی تێکۆشانە دژ بە سیستەمێك کە توندوتیژی و جیاکاری دژی ژنان بەرهەم دەهێنێت!

ئازار 6, 2025

پێکەوە لە ٨ی مارسی ئەمساڵدا ڕێگەبگرین لە یاسای بە شودانی کچانی ٩ساڵ!

شوبات 26, 2025

فه‌ره‌نسا -لیل:29/11/2019:

ئامۆزای زانا ئه‌حمه‌د به‌ سکرتاریتی فیدراسیۆنی ڕاگه‌یاند”زانای ته‌مه‌ن 32 سال هاولاتی شاری سلیمانیه‌ وماوه‌ی 9 مانگه‌ له‌یه‌کێک له‌گرتوخانه‌کانی ولاتی فه‌ره‌نسا زیندان بووه‌ بێ ئه‌وه‌ی هیچ تاوانێکی کردبێت و له‌ رووداوێکی ته‌مومژاویدا رۆژی 25 ئه‌م مانگه‌ له‌ یه‌کێک له‌ نه‌خۆشخانه‌کانی شاری لیل ژیانی له‌ده‌ستداوه‌..”

سه‌باره‌ت به‌و رووداو ناوه‌ندی هه‌وڵگری فیدراسیۆن به‌ ده‌شتی جه‌مال سکرتیری فیدراسیۆنی سه‌راسه‌ری په‌نابه‌رانی عێراقی په‌یوه‌ندی گرت و ئه‌ویش ووتی”زۆر به‌داخه‌وه‌  مه‌رگی ناوه‌ختی کاکه‌ زانا دڵگران وناره‌حه‌تی کردین وهه‌مان رۆژ ئێمه‌ که‌وتینه‌ په‌یوه‌ندی له‌گه‌ل که‌سوکار و ده‌زگا په‌یوه‌ندیداره‌کانی فه‌ره‌نسا بۆ پشت راستکردنه‌وه‌ی هه‌واڵه‌که پاشان زانیاریمان پێگه‌یشت که‌ کاکه‌ زانا رۆژی 24 مانگ ڕه‌وانه‌ی نه‌خۆشخانه‌کراوه‌ و رۆژی 25 مانگ ژیانی له‌ده‌ستداوه‌ هه‌ر بۆیه‌ ‌ ئێمه‌ ته‌واوی هه‌واله‌کانی خۆمان ده‌خه‌ینه‌ گه‌ر له‌سه‌ر مه‌رگی ئه‌و په‌نابه‌ره‌وه‌ و حکومه‌تی فه‌ره‌نسا به‌ به‌رپرسیار ده‌زانیین وداوای ده‌ستبه‌جێ لیژنه‌ی لێکولینه‌وه‌ ده‌که‌ین له‌سه‌ر رووداوه‌که وپیویسته‌ که‌سو وکاریان ئاماده‌ بن له‌ ته‌واوی ئاکامی لێکولینه‌وه‌که‌و و دڵنیا بکرینه‌وه‌ له‌ چۆنێتی ڕووداوه‌که‌..”

ده‌شتی جه‌مال ئه‌وه‌شی ووت”زۆربه‌ی کاروباری گێرانه‌وه‌ی ته‌رمه‌که‌ له‌لایه‌ن که‌سوکاریه‌وه‌ ته‌واو کراوه‌و ئه‌و ئه‌وراقانه‌ی پێویست بوون له‌لایه‌ن فیدراسیۆنه‌وه‌ گه‌یه‌نراوه‌ته‌  کۆنسلی عێراقی له‌ پاریس ئه‌وانیش جێبه‌جێانکردوه‌، وابڕیاره‌ له‌ نزیکترین کاتدا ته‌رمه‌که‌ی بگه‌رێنرێته‌وه‌ باوه‌شی که‌سوکاری..”

سکرتیری فیدراسیۆن ئه‌وه‌شی ووت” به‌ناوی فیدراسیۆنی سه‌راسه‌ری په‌نابه‌رانی عێراقیه‌وه‌‌ پرسه‌وسه‌ره‌خۆشی خۆمان ئاراسته‌ی که‌سوکارو هاوریان ودۆستانی کاکه‌ زانا ده‌که‌ین هیوای دوا ناخۆشیان بۆ ده‌خوازین وهاوکات دڵنیایان ده‌که‌ینه‌وه‌ له‌به‌دوادا چوون له‌سه‌ر مه‌رگی کاکه‌ زانا به‌رده‌وام ده‌بین.”

 ‌