IFIR-Ku فیدراسیۆنی سەراسەری پەنابەرانی عێراقی
Related Articles
که‌سوکاری فه‌ریدون ئه‌فسایی فیدراسیۆنی سه‌راسه‌ری په‌نابه‌رانی عێراقیان ئاگادارکردوه که “فه‌ریدون ئه‌فسای ته‌مه‌ن 41 سال دوای گه‌رانه‌وه‌ی له فنلاندوه بۆ شاری سلیمانی له مانگی 12 ی 2018 وه دواین په‌یوه‌ندی وه‌لامنه‌دراوی له 4ی کانووی دووه‌م ده‌بێت وپاشان په‌یوه‌ندی به‌که‌سوکاریه‌وه ده‌بڕێت”
ئه‌وه‌شیان ووت”فه‌ره‌یدونی ئه‌فسایی سالی 1991 دوای رووکردنه کوردستانی عێراق له‌وێوه به‌رو هانده‌ران به‌رێده‌که‌وێت دوا وێستگای ژیانی وه‌ک په‌نابه‌ر له ولاتی فنلاندا ده‌گیرسێته‌وه وله شاری هلسنکی ژیان به‌سه‌ر ده‌بات” هه‌روه‌ک که‌سوکاری فه‌ردون ئاماژه‌ی پێده‌که‌ن که”فه‌ردون ئه‌فسایی هاولاتیه‌کی کوردی ئێرانه له‌دایک بوی شاری دیوانده‌ره‌یه و ساڵی 1990 له‌لایه‌ن جمهوری ئیسلامی ئیرانه‌وه له‌گه‌ل چه‌ند برازا‌یه‌کی منالیدا که ئه‌ویش ئه‌و کات ته‌مه‌نی 12سالان ده‌بێت له به‌ر برایه‌کی پیشمه‌رگه‌ی زیندانی ده‌کرێت وه برایه‌کی دیکه‌شی له‌لایه‌ن کاربه‌ده‌ستانی جمهوری ئیسلامی ئیرانه‌وه گوله باران ده‌کرێت ” .
له په‌یوه‌ندیه‌کی ته‌له‌فونی له‌گه‌ل ده‌شتی جه‌مال سکرتیری فیدراسیۆنی سه‌راسه‌ری په‌نابه‌رانی عێراقی سه‌باره‌ت به‌و که‌یسه ووتی “دوایی ئه‌وه‌ی که‌سوکاری فه‌ریدون ئاگاداریان کردینه‌وه، ئیمه‌ش ده‌ستبه‌جێ له چه‌ند ڕێگای جیاوازه‌وه په‌یوه‌ندی کرا به ئاسایشی شاری سلیمانی وه خه‌سته‌خانه‌ی شۆرش وه ئه‌ویش دوایی ئه‌وه‌ی چه‌ند هه‌واڵێکی جۆراوجۆرمان له‌سه‌ر بیستبوو، پاش ئه‌وه‌ی دڵنیاکراینه‌وه که نه نه‌خۆشخانه‌و نه ئاسایشی سلیمانی ئاگایانه له‌م که‌یسه نیه، به‌ناچار ڕێگای حکومه‌تی فنلاندمان گرته به‌رو نامه‌ی تایبه‌تمان ئاڕاسته‌ی حکومه‌تی فنلاند کرد وه له‌گه‌ڵ بالۆیزخانه‌ی فنلاند له له‌نده‌ن قسه‌ماکرد وه ته‌واوی ده‌زگا ره‌سمیه‌کانی حکومه‌تی فنلاندمان خستۆته سه‌ر خه‌ت وداوامان کردوه که له‌گه‌ل حکومه‌تی هه‌ریمی کوردستان به‌فه‌وری لێکولینه‌وه وبه‌دوادا چوون ده‌ست پێبکه‌ن وچاره‌نوسی فه‌ریدون ئاشکرا بکه‌ن”
