IFIR-Ku فیدراسیۆنی سەراسەری پەنابەرانی عێراقی
Related Articles
دوای ساڵانێکی زۆر لەتورکیا وە ژیانێکی سەرخت وناخۆش کە لەتورکیا بەسەرم برد دواجار بەهەوڵ وماندو بوونی هاورێ جەلال سەعید نوێنەری فیدراسیۆنی سەراسەری پەنابەرانی عێراقی لە کەنەدا ، دواجار گەیشتمە کەنەدا .
هاورێ جەلال سەعید تەنها هاوکاری منی نەکردوە بەڵکو دەیان کەیسی بردۆتە کەنەدا لەڕێگای فیدراسیۆن و هەوڵ و ماندوبونێکی ئێجگار زۆر کە ئەوەی هاورێ جەلال کردویەتی کارێکە کە هەمیشە بۆ ئێمە جێگای شانازی و پێزانینە هەرگیز ناتوانین ئێمە وەک ئەو بکەین ، وە هەرگیز ناتوانین پاداشتی ئەو بدەینەوە و زەحمەتیکشە کەس وەک ئەو ئەم کارە ئینسانیانە بکات چونکە دەزانم بردنی پەنابەران لەڕێگەی فیدراسیۆنەوە ، بۆ کەنەدا ئەرک وماندو بونێکی زۆری دەوێت .
بەڵام هاورێ جەلال شانی داوەتە بەر ئەم ئەرکە قورسەو بەردەوامە لەکارە ئینسانیەکانی . من لێرەوە دەستی ماندوبونی بەگەرمی دەگوشم هیوادارم من لەکەنەدا بتوانیم هاوکاری بم کەمێک لەو ماندو بوونە بحەسێتەوە .
دەمەوێت لێرە سوپاس وپێزانینی خۆم بەهاورێیانم چ لەناو حیزبی کۆمۆنیستی کریکاریی و چ لەدەرەوەی حیزب بوون وهەمیشە هەوڵیان ئەوە بووە من لەتورکیا ڕزگارم بێت یاخود کۆمەکیان کردوم لەکاتی سوتانی خانوەکەم لە تورکیا کە نزیک بە ٤ساڵ لەمەو پێش سوتا . سوپاس وپێزانینم بۆ خزم وکەسوکارم ئەوانەی هەمیشە لێیان پرسیم یاخود نیگەران بوون من لەتورکیا ماومەتەوە .
سوپاس پیزانینم بۆ هەموو ئەو هاورێ ئازیزانەی کە هەمیشە لەدەورم بوون هەواڵیان پرسیوم . سوپاس و پێزانینم بۆ هاورێ دەشتی جەمال و هاورێ نوری بەشیر کە هەمیشە هەواڵیان پرسیوم وەک دوو کەسی زۆر نزیک لەخۆشی و ناخۆشیدا هاوبەشم بوون .
دەمەوێت سوپاس و پێزانینم بۆ هەموو ئەو پەنابەرانە بکەم کە لەشاری بیلەجیکی تورکیا هەمیشە وەک کەسی نزیک بووین بەیەکەوە لەخۆشی وناخۆشیدا لەگەڵم بوون هاوکاریان کردوم .
لێرەدا رەنگە خۆیان پێێان خۆش نەبێت ناوی ئەو ئازیزانە بهێنم کە هەمیشە لەتورکیا بەیەکەوە بووین لەخۆشی وناخۆشیدا لەگەڵم بوون نەیانهێشتووە بێتاقەت بم وە هەمیشە هاوکارم بوون .
سوپاس وپێزانینم هەیە بۆ ئەو پەنابەرانەی لەشارەکانی تورکیا یاخود وڵاتانی دیکە کە هەمیشە لەپەیوەندیدا بوون لەگەڵم و هەواڵیان پرسیوم .
زۆر سوپاس بۆ ئەو هاورێ ئازیزانەی لەفرۆکەخانەی تۆرنتۆ لەکەنەدا پێشوازیان لێ کردم ، کاتی خۆتان تەرخانکرد و لەسەر کارەکانیان دابڕان ئەو رۆژەو هاتن لەفرۆکەخانەی تۆرنتۆ لەپێشوازیمدا بوون لەرێگەی دورەوە هاتن ئەرکیان کێشا .
لەکۆتایدا داوای لێبوردن لەو ئازیزانە دەکەم کە لەتورکیا نەمتوانی بیانبینم یاخودلەکاتی سەفەر کردنم نەمتوانی ماڵئاواییان لێ بکەم چونکە بەهۆی کێشەی دواکەوتنی (خروج )ی یەکەمەوە ، وە دەبوایە بەزوترین کات بگەمە ئیستانبوڵ تا دوانەکەوم بۆیە نەمتوانی لەکاتی سەفەر کردنم نەچومە ماڵەکانیان یاخود نەمبینین تا ماڵئاوایان لێ بکەم..
دوبارە ڕێزو خۆشەویستیم هەیە بۆتان چاوتان ماچ دەکەم و سوپاسی هەموو هاوکاریەکتان دەکەم . بەهیوام چی زووە هەموو ەئو پەنابەرانەی لەچاواروانیدا لەتورکیا راگیراون زوو نەجاتیان بێت بەهیواو ئاواتەکاناین بگەن …
رۆژ عەزیز …. تۆڕنتۆ . کەنەدا
27/9/2019
