لەبریتانیا لەڕێگەی دۆكۆمێنتارییەوە كێشەی پەنابەران و هۆكارەكانی خرایەروو

Related Articles

هەڵمەتی دیپۆرتکردنەوەی پەنابەرانی عێراقی لە ئەڵمانیا تاوانێکە دەرهەق بە پەنابەران و دەبێ رابگیرێ!

ئازار 10, 2025

٨ی مارس رۆژی تێکۆشانە دژ بە سیستەمێك کە توندوتیژی و جیاکاری دژی ژنان بەرهەم دەهێنێت!

ئازار 6, 2025

پێکەوە لە ٨ی مارسی ئەمساڵدا ڕێگەبگرین لە یاسای بە شودانی کچانی ٩ساڵ!

شوبات 26, 2025

 لە شاری لەندەنی بریتانیا بۆ ماوەی هەفتەیەك لەڕێگەی فۆتۆ و ڤیدیۆ دۆكیۆمێنتەری ، كێشەو ئاستەنگەكانی بەردەم پەنابەران و هۆكارەكانی كۆچكردنیان خرایە ڕوو.ڕۆژی 15 ی 2 ی 2017  ، بە سپۆنسەری فیدراسیۆنی پەنابەرانی عێراقی، ئەو دۆكۆمێنتارییە بۆ ماوەی هەفتەیەك لە سینەمای گەلەری هونەری باربیكان لە لەندەن نمایشكرا، كە تێیدا ژمارەیەكی زۆر لە ڕۆژنامەنوسان و هونەرمەندان و چالاكانی كۆمەڵگەی مەدەنی و ڕێكخراوەكانی مافی مرۆڤ، بەشداربون لە بینینیدا.
ئەو دۆكۆمێنتەرییە كە لەلایەن فۆتۆگرافەر ڕیچارد موسی ئامادەكرابو، بە ڕپۆسپۆنسەریفیدراسیۆنی پەنابەرانی عێراقی و بە كامێرای سەربازی و بەشێوەیەكی ڕەش و سپی فۆتۆ و ڤیدیۆكان گیرابون، تێیدا ئازارەكانی كۆچبەران و هۆكارەكانی كۆچكردنیانی دەخستە ڕوو.
دەشتی جەمال، سەرۆكی فیدراسیۆنی پەنابەرانی عێراقی، لە لێدوانێكیدا ، وتی:”ئەم كارەی ڕێچارد، هەوڵدانە بۆ پیشاندانی وێنە نەبینراوەكانی ناڕەحەتی و ئازار و مەترسییەكانی بەردەم پەنابەران و هۆكارەكانی كۆچكردنیان، كە زیاتر جەنگە و تێیدا وڵاتانی خۆراوایش بەشدارن “

دۆكۆمێنتارییەكە، لە ڕۆخی كەناراوەكانی لیبیاو سوریا و كەنداوی فارسی بیابانەكان گیراوە و دوا دیمەنی فڕۆكە جەنگییەكانی خۆراوا كە بەرەو جەنگ بەڕێدەكەون لەو وڵاتانەی كە ئێستا كانگای كۆچن وەك عێراق و سوریا و لیبیا.
لەم دۆكۆمێنتارییەدا، تەنها كار بە پێشاندان كراوە نەك دەنگ و گفتوگۆ و ماوەی نزیكەی كاتژمێر و نیوێكە.
ڕیچارد موسی، لەدایك بووی ساڵی ١٩٨٠ی ئیرلەندایەو هەڵگری خەڵاتی گەورەی فۆتۆگرافییەو لە ئێستا لە نێوان نیۆرك و ئیرلەندەدا دەژی و كاردەكات.