IFIR-Ku فیدراسیۆنی سەراسەری پەنابەرانی عێراقی
Related Articles
لەکاتێکدا کەبۆرژوازی بەدەوڵەت و سەرکردەکانیانەوە، بەجیا لەهەر جیاوازی و کێشەیەکی نێوانیان لەسەر سود و باڵادەستی بەسەر بازاڕدا، خەریکی غەرقکردنی کۆمەڵگان لەشکاندنەوەی ئەزمەیەک کەیەخەی گرتوون لەدابەزینی سودی سەرمایەکانیان بەسەر جەماوەری فراوانی کرێکاراندا، هەروەها خەریکی دابەشکردنی کۆمەڵگان لەسەر ئەساسی جیاوازی نێوان ژن و پیاو، مەسیحی و ئیسلام،
خاریجی و خۆ وڵاتی، کەمایەتی سەرمایەدارانی خاوەن سامانی کۆمەڵگا و زۆرینەی زۆری کرێکاران و مەحرومانی کۆمەڵگا، وە لەهەوڵی فراوانکردنەوەی هەموو جۆرە جیاوازیەکی رەگەزی و مەزهەبیدان ریزی خەڵک لەبەریەک هەڵوەشێنن، تەنیا بۆ چاوچنۆکی و پاریزگاریکردن بەکورسی دەسەڵات و سەرمایەکانیانەوەو دانەبزینی قازانجیان، دەیانەوێ هەموو بۆرژوازی و سەرمایەدارن لەبەرامبەر جەماوەری کرێکاران و بێبەشان یەک دەستکەن، بۆ ئەمەش خەریکی بێکار کردن و بردنە سەری زەریبەو بەرزکردنەوەی نرخی کاڵا، وە لێسەندەنەوەی خزمەتگوزاریەکانن، لەگەڵ ئەم هەوڵیاندا بەرگی پارێزگاری لە وڵات و نیشتمان و ئەمنی قەومی و بەریتانیا یەکەمە دەکەن بەبەردا.
بەپێچەوانەی هێزی سەرمایەداران و کۆنەپەرستانی قەومپەرستی کۆمەڵگاوە، رۆژی ١٨ مارس، بزوتنەوەیەکی بەهێزی دژی راسیزم و قەومپەرستی و دژی بۆرژوازی و دژی ترامپ و دژی تریسا مەی لە حزبی پارێزگاران، ناڕەزایەتیەکی سەراسەری بەریتانیای گرتەوە کە ” بەرۆژی سەرتاسەری دژی راسیزم ” بانگەوازیان بۆ کرد، کەلەلایەن کەمپینی وەستانەوە بەڕووی راسیزمدا وەک بەشێک لەرۆژی بزوتنەوەی جیهانی دژی راسیستی، سازدرابوو. ئەم ناڕەزایەتیە لەزۆرێک لەشارەکانی بەریتانیا و بەتایبەتی لەندەن و نیوکاستڵ وکاردیف، بەهێزی دەیان هەزاری رژانە ناوەندەکانی شارو لەلەندەن لەبەردەم بی بی سی یەوە بەقسەوباسی ژمارەیەک لەئەندام پەرلەمان، سکرتێری یەکێتی کرێکاران و ژماریەک لەهەڵسوڕاوانی دژی راسیزم و دەشتی جەمال سکرتێری فیدراسیۆنی سەراسەری پەناپەرانی عێراقی و ئامادەبوونی حزبە سۆشیالسیت و چەپەکان دەستی پێکرد. پاشان بەرێپێوان بەرەو ناوەندی شار لەترافڵگارسکوێرو ماڵی سەرۆک وەزیران و بەردەم پەرلەمان بەڕێکەوتن و جارێکی کە لەوێدا کۆبوونەوە. بەدرێژایی ماوەی خۆپیشاندان بەدەنگی بەرز هاواریان دەکرد و لە پلاکارتەکانەدا نوسراوبوو، ” نا بۆ راسیزم، بەدژی سیاسەتی دژی ئینسانی ترامپ و تریسا مەی سەرۆک وەزیرانی بەریتانیا شیعاریان دەدا. بەهەزاران لافتەو شیعار بەرزکرابۆوەو هەموو بەدەنگی بەرز دەیانووت ” بەدەنگ بەرزو بەڕۆشنی هەموو دەڵێن بەخێر بین پەنابەران و کۆچکردوان” “دەستهەڵگرن لەکرێکارانی ئەوروپایی” ” بەدژی ترامپ بووەستەوە” ، وە لەشیعارەکاندا بەرگری لە کرێکارانی کۆچکردوی ئەوروپا دەکرا کەلەبەریتانیان و هێزێکی زۆری کاری ئەم وڵاتە پێکدەهێنن، کەبەدوای ریفراندۆم و بڕیاری هاتنەدەرەوەی بەریتانیا لە یەکێتی ئەوروپادا، حکومەتی پارێزگاران دەیەوێت لەبەریتانیا دەریانکات و هاوکاری هاوخەتی باقی حزبە قەومیەکانی تر بێت لەوەی کەدەڵێن بەریتانیا بۆ بەریتانیەکانەو بۆ دەرەوە خاریجیان“.
هاوکات لەناوچەی پیکادلی ژمارەیەکی کەم لە راسیتەکان بەلافتەیەکی گەورەی بەریتانیا یەکەمە لەنیوە رێگای رێپێوانی دژی راسیزمدا، کۆبووبوونەوە و لەبەرامبەریاندا لاوانێکی ئەنارشیست بەرامبەرایان وەستابوون. پۆلیس لەترسی ئەوەی نەکا هێرش بکرێتە سەر راسیتەکان بەهێندی ژمارەی راسیتەکان پۆلیس دەورەی دابوون.
کاتێک رێپێوانی دژی راسیستی گەیشتە ئەو ناوە بە خۆپیشاندەران و هەزاران کەسی ئەمبەرو ئەوبەری شەقامەکانەوە وەستابوون، نایان بۆ راسیزم و بۆ تەرمپ و تریسا مەی دەوت و بەڵێ و بەخێرهاتنی پەنابەران و کۆچکردوانیان دەوتەوە.
رێپێوانەکە بەردەوامی خۆی دا تا گەیشتنە لای پەرلەمان و بەبەرزکردنەوەی هەزاران لافتەو پلاکارتی دژی راسیستی سەرانی سەرمایەداران و دەوڵەتەکانیان و وتنەوەیان بەدەنگی بەرز و بەردەوام هەزاران کەسی ئەمبەرو ئەوبەری شەقامەکانەوە دەستیان هاوپشتیان بۆ بەرزدەکرایەوە و پەیوەست دەبوون پێیانەوە.
٢٠/٣/٢٠١٧
