حکومه‌تی عێراقی به‌رده‌وامه له‌هاوکاریکردنی سیاسه‌تی دیپۆرتی په‌نابه‌ران
usr_web171_1
شوبات 20, 2018
ماڵه‌وه, ناوه‌ندی هه‌واڵگری
492 Views
له‌نده‌ن-20/2/2018
به‌نابه‌ر (ت،ح) له گرتووخانه‌ی ده‌ستبه‌سه‌ر کۆلن بۆرک له‌په‌یوه‌ندیه‌کی ته‌له‌فونیدا به‌سکرتارێتی فیدراسیۆنی راگه‌یاند”تیکتیان پێداوم ورۆژی 23 شوبات دیپۆرتی فرۆکه‌خانه به‌غدا ده‌کرێمه‌وه”ئه‌و په‌نابه‌ره ئه‌وه‌شی وت”خه‌ڵکی شاری سلێمانیم و ماوه‌ی 17ساله له ولاتی به‌ریتانیا ژیان به‌سه‌ر ده‌به‌م و خاوه‌نی 2منداڵم”
عبدولا یه‌کێکی تر له‌و په‌نابه‌رانه‌ی له‌گرتوخانه‌ی مۆرتن هۆڵ که ماوه‌ی 5مانگه ده‌ستبه‌سه‌ره به فیدراسیۆنی ووت” 16ساڵه له ولاتی به‌ریتانیا ده‌ژیم وه ماوه‌ی 9ساله به به‌رده‌وامی ئیمزای پۆلیس ده‌که‌م به‌لام دووباره منیان هێناوه‌ته‌وه‌گرتوخانه و ده‌لێن:حکومه‌تی عێراقی داواتان ده‌کاته‌وه، له کاتێکدا من پێم ووتون نامه‌وێت به‌زۆر بگه‌رێمه‌وه”
هه‌روه‌ها ئه‌وه‌شی ووت”په‌نابه‌رێکی دیکه پینج هه‌فته له‌مه‌وبه‌ر به‌زۆر دیپۆرتی به‌غدا کراوه‌ته‌وه له‌وی سه‌رباری ئیهانه‌تو سوکایه‌تی،دوای سێ رۆژ به که‌فاله‌ت وپاره به‌ریانداوه..”
ماوه‌ی جه‌ند مانگێکه حکومه‌تی به‌ریتانیا ده‌ستیان کردوه به ده‌ستگیرکردنی ئه‌و په‌نابه‌رانه‌ی پیشتر کیشه‌ی نایاسایان هه‌بوه ، سه‌رباری ئه‌وه‌ی سزادراونوگه‌راونه‌ته‌وه نیو ژیانی ئاسایی خۆیان به‌لام جارێکی دیکه ده‌ستگیریان ده‌که‌ن و ڕاپیچی گرتووخانه‌ی ده‌ستبه‌سه‌ریان ده‌که‌ن تا به‌زۆره‌ملی له‌چوارچێوه‌ی ڕێکه‌وتنێکی نێوان حکومه‌تی عێراقی وحکومه‌تی به‌ریتانیا دیپۆرتی به‌غدا یان بکه‌نه‌وه.
هه‌واڵی زیاتری په‌نابه‌ران له ماڵپه‌ری فیدراسیۆن ببینه:.
IFIR-Ku فیدراسیۆنی سەراسەری پەنابەرانی عێراقی
