با لە ٨ی مارسدا، هەوڵەکانی خۆمان بۆ باش بوونی دۆخی ژنانی پەنابەر چڕکەینەوە.

Related Articles

هەڵمەتی دیپۆرتکردنەوەی پەنابەرانی عێراقی لە ئەڵمانیا تاوانێکە دەرهەق بە پەنابەران و دەبێ رابگیرێ!

ئازار 10, 2025

٨ی مارس رۆژی تێکۆشانە دژ بە سیستەمێك کە توندوتیژی و جیاکاری دژی ژنان بەرهەم دەهێنێت!

ئازار 6, 2025

پێکەوە لە ٨ی مارسی ئەمساڵدا ڕێگەبگرین لە یاسای بە شودانی کچانی ٩ساڵ!

شوبات 26, 2025

رۆژی ٨ی مارس رۆژی جیهانی ژنان، رۆژێکە بۆ ده‌ربڕینی ناڕه‌زایه‌تی و ڕاوه‌ستانه‌وه‌ به‌رامبه‌ر به‌ نایه‌کسانی  وجیاکاری وسته‌مکێشی و بێمافی ژنان لە سەراسەری دونیادا.

ژنانی پەنابەری کوردستان، ئەگەرچی بەئومێدێکی زۆرەوە ڕوو لەوڵاتانی ئەوروپا دەکەن ،  رێگەی سەخت و پڕ مەترسی دەریایی و ڕیسککردن بەژیانی خۆیان و مناڵەکانیانەوە دەبڕن  تا بە ژیانێکی ئارام و ماف و ئازادیەکانیان بگەن، بەڵام بەهۆی یاساکانی پەنابەری وسیاسەتی میڵتیکالچراڵیزمەوە، ڕووبەڕووی دۆخێکی سەخت و جیاکاری دەبنەوە و لە ژیانێکی چاوەڕوانی و دابڕاو و مانەوە لەماڵ وبوون بە پاشکۆی پیاوان ودەیان کێشەی خێزانیتر  ڕادەگیرێن.

 بەجیا لەمەش ژنانی پەنابەری کوردستان، بەهۆی باڵادەستی فەرهەنگی پیاوسالاری ودینی و قەومیەوە، لەنێو خێزاندا، لەهەڵبژاردنی هاوسەر و کار و پیشە و تێکەڵاوبووندا، بەهەمان شێوە کە لە کوردستانداو لەژێر سایەی دەسەڵاتی حزبە ناسیونالیستەکانی کوردا داسەپاوە، لەئەوروپاش لەگەڵ توندوتیژی و وجیاکاری و سەرکوت بەرەوڕوو دەبنەوە، تەنانەت لە دەرەوەی ووڵاتیش ژنانی پەنابەری کوردستان، دەبنە قوربانی تاوانەکانی  کوشتن بەپاساوی ناموسپەرستی. بەڕادەیەك هەموو ئەو کێشەو گرفت و سەرکوتگەریەی کە ژنان لەناوخۆی کوردستاندا لەگەڵی بەرەوڕوون بەشێوەیەك لەشێوەکان کە دەگەنە دەرەوەی ووڵات و ژیانی پەنابەرێتی هەڵدەبژێرن، گیرۆدەی دەبنەوە. ئەمەش ئەوە دەسەلمێنی کەجیاکاری و ستەمگەری لە سەر ژنانی کوردستان لەسایەی سیستم و دەسەلاتێکی پیاوسالار و کۆنەپەرستی حزبە ناسیونالیستەکانی کورددا ئێرەو ئەوێ ناناسێ.

فیدراسیۆنی سەراسەری پەنابەرانی عیراقی لە دەرەوە بە بەردەوامی دەیان قوربانی کەلتوری گۆێزاوەی پیاو سالاری و  توندوتیژی خێزانی هانایان بۆ ئەم رێکخراوەیەی ئێمە هێناوە، یارمەتی وهاوکاری و رێنمایی  یاساییکراون و بەرگری لەمافەکانیان کردووە و وه‌ڵام به‌ کێشه‌ و گیروگرفته‌کانیان دراوەتەوە. ئێمە بە  هانای خێرای ئه‌و ژنانه‌وە چووین که ‌قوربانی توندوتیژین، وه‌یا له‌ کاره‌ساتی خۆکوژی ‌و کوشتن ڕزگاریان بووه. ژنانی پەنابەر کۆمەك کراون کە لەتەنهایی ودابڕان دورکەونەوە و ژیانێکی نۆێ لەم کۆمەلگایانەدا دابمەزرێنن. هاوکات  دژ بە توندو تیژی خێزانی و وکوشتنی ناموسی و ئه‌و هۆکارە فەرهەنگی وسیاسی و یاساییانەی ئەم دیاردەیە پەرەپێیدەدەن ڕووبەروو بۆتەوە و مەترسیەکانی لەسەر ژیانی ژنانی په‌نابه‌ر دوورخستۆتەوە.

هەربۆیە فیدراسیۆن لە٨ی  مارسی ئەمساڵدا دەنگی نارەزایەتی خۆی دەخاتە پاڵ دەنگی بزووتنەوەی ئازادیخوازی و یەکسانیخوازی ژنان وپیاوان لە کوردستان ودەرەوە، وە لەپاڵ ئەم ئۆردوە گەورەیەدا بۆ به‌رگریکردن له‌ مافه‌کانی ژنان به‌ته‌واوی هەوڵ و  تواناوه‌  پشتیوانی ده‌کات و کاردەکات بۆ  یارمه‌تیدان وهاوکاری بەردەوامی یاسایی وڕێنمای ژنانی په‌نابه‌ر له‌ وولاته‌کانی ئه‌وروپا، وه‌ڵامدانه‌وه‌ به‌ کێشه‌و گیروگرفته‌کانیان و دورخستنه‌وه‌یان له‌مەترسیەکانی توندوتیژی و ته نهایی و دامه‌زراندنی ژیانێکی نوێ و که‌مکردنه‌وه‌ی ئێش وئازارەکانیان.

بەرزوبەریزبێت ٨ی مارس رۆژی جیهانی ژنان

 

فیدراسیۆنی سەراسەری پەنابەرانی عێراقی

٥/٣/٢٠٢٢