IFIR-Ku فیدراسیۆنی سەراسەری پەنابەرانی عێراقی
Related Articles
سارا پارکەر هەڵسوڕاوی داکۆکیکار لە مافەکانی مرۆڤ جێهێشتین
بەداخ و پەژارەیەکی زۆرەوە سارا پارکەر هەڵسوڕاوی بەرگریکاری سەرسەخت لە مافەکانی پەنابەران ئەم بەیانیە لە نەخۆشخانەی بارنیت لە لەندەن ژیانئاوایی لێکردین و بۆ هەمیشە چاوەکانی لێکنا.
سارا پارکەر هەڵسوڕاوێکی بەرچاوی داکۆکیکار لە مافەکانی پەنابەران ،ژنان، کرێکاران و بەرگریکار لە ماف و ئازادیەکانی خەڵکی کوردستان بووە.هەمیشە لە ڕیزی پێشەوەی ناڕەزایەتیەکان، کۆبوونەوە گشتیەکان بووە بۆ داکۆکی لە مافەکانی پەنابەران و دژ بە دیپۆرتکردنەوەیان تێکۆشاوە و دەیان کەمپەینی لەگەڵ فیدراسیۆنی سەراسەری پەنابەرانی عێراقیدا بەڕێخستووە بۆ بەرگرتن بە ناردنەوەی زۆرەملێی پەنابەران بۆ کوردستان.
بەداخەوە ماوەی دوو ساڵە لەگەڵ نەخۆشی شێرپەنجە دەرگیر بووە، تا دوا ساتەکانی یەخەی بەرنەدا و ئارەزووی ئەوی بۆ مانەوە و بەردەوامیدان بە کار و چالاکی و خۆێندنەوە مراند. سەرئەنجام ئەو جێیهێشتین و ڕێگای بەردەوامی لەپێناو ئازادی و مرۆڤدۆستی بۆ ڕێبوارانی جێهێشت.
بەناوی فیدراسیۆنی سەراسەری پەنابەرانی عێراقی لە قوڵایی دڵەوە پرسە و سەرەخۆشی لە بێستون بابان و هاوڕێکانی دەکەین و لەم خەمە گەورەیەدا لەپاڵیاندا ڕادەوستین.
سارا پارکەر بۆ هەمیشە لەدلماندا بە زیندویی دەمێنێتەوە و ڕێگای خەبات و تێکۆشانی بۆ ئازادی و یەکسانی و خۆشگوزەرانی بەردەوام دەبێت.
فیدراسیۆنی سەراسەری پەنابەرانی عێراقی
