دەیان پەنابەر بەشێوازێکی نامرۆڤانە لەلایەن بوڵگاریاوە دیپۆرتی تورکیا دەکرێنەوە
usr_web171_1
نیسان 21, 2022
ماڵه‌وه, ناوه‌ندی هه‌واڵگری, هەواڵ
234 Views
لەناوەندی هەواڵگری فیدراسیۆنەوە:
هیوا خدر بە ناوەندی هەوالگری فیدراسیۆنی راگەیاند” ڕێکەوتی ١٨/٤/٢٠٢٢ هێزەکانی جەندرمەی تورکیا ڕایگەیاند :کە لەناوچەی کۆفجازی سەر سنوری نیوان تورکیاو بوڵگاریا سەر بەشاری کرک لارێلی Kırklareli ی تورکیا سەدوو ٨٧ پەنابەریان دەستگیرکردووە
بەشێوەیەك کە هەرچی کاڵاو جل و بەرگ و پارەو مۆبایل و شتی بەنرخ پێیان بووە لێیان سێندراوەو بە نیمچە ڕووتی لەلایەن حکومەتی بولگاریاوە دیپۆرتی سنوری تورکیاکراونەتەوە”
بەپێی لێدوانی پەنابەرەکانیش” پێشتر لە یۆنانەوە چونەتە خاکی بوڵگاریاوە بەڵام لەگەڵ دەستگیرکردنیان لەلایەن پۆلیسی پاسەوانی سنوری بوڵگاریاوە بەوشێوازە نامرۆڤانە مامەڵەیان لەگەڵکراوە”
سەبارەت بە ڕەگەزنامەی پەنابەرەکانیش
پێک هاتوون لە پەنابەرانی ووڵاتانی ( سوریا ، ئێران ، ئەفغانستان ، مەغریب ، تونس)
هیوا ئەوەشی ووت”ئێمە لە فیدراسیۆنی سەراسەری پەنابەرانی عێراقی لەتورکیا بەتوندی ئیدانەی ئەو جۆرە مامەڵەکردنە دەکەین بەرامبەر بە پەنابەران لەلایەن بوڵگاریاوە
کە ئەم جۆرە مامەڵەکردنە دوورە لە بەهاو پیوانە نیو دەولەتیەکان لەبارەی مافەکانی مرۆڤ و مافەکانی پەنابەرانەوە.وە داواش دەکەین لە ڕێکخراوەکانی داکۆکیکار لە مافەکانی پەنابەران وە ڕێکخراوی نەتەوەیەکگرتووەکان UNHCR بۆ کاروباری پەنابەران وە ڕێکخراوی کۆچی نیودەوڵەتی IOM بەتوندی ئیدانەی ئەم جۆرە مامەڵەکردنانە بن کە بەرامبەر بەپەنابەران لەلایەن حکومەتی بوڵگاریاوە ئەنجامدراوەو وە کاربکەن بۆ ڕێگریکردن لە دووبارەنەبوونەوەی ئەم جۆرە مامەڵەکردن لەگەڵ پەنابەراندا”
IFIR-Ku فیدراسیۆنی سەراسەری پەنابەرانی عێراقی
