بە خۆپیشاندانی ناڕەزایەتی فیدراسیۆن لەپێناو بەرگری لە ژیان و مافەکانی پەنابەران پەیوەستبین!
usr_web171_1
تشرینی دووه‌م 11, 2021
ڕاگەیاندن, ماڵه‌وه
184 Views
باهەمووان پێکەوە بەرامبەر ئازار و ناڕەحەتیەکانی پەنابەرانی گیرخواردووی نێوان سنوری بیلاروس و وڵاتانی دیکەی ئەوروپا بێینە دەنگ!
بە خۆپیشاندانی ناڕەزایەتی فیدراسیۆن لەپێناو بەرگری لە ژیان و مافەکانی پەنابەران پەیوەستبین!
رۆژی: هەینی ٢٠٢١/١١/١٢
کاتژمێر: ٢ی دوانێوەڕۆ
شوێن: لەندەن بەردەم کونسوڵخانەی پۆڵندا
10 Bouverie St, London, EC4Y 8AX
نزیکترین ئیستگای قیتاری: City Thameslink Railway Station
دەیان پەنابەر لە ژن و مناڵ لەنێوان سنوری پۆڵندا و بیلاروس گیریانخواردوە لە هەڵومەرجێکی ئەوپەڕی نامرڤانەدا لەگەڵ بێئاوی بێخوراکی و هەڕەشەی مەرگ و لەناوچوون بەرەو ڕووکراونەتەوەو سەرباری راگەیاندنی باری نائاسایی لەلایەن حکومەتی پۆلنداوە تەنینی سنورەکان بەهێزی پۆلیس و رێگەنەدان بەکۆمەکی رێکخراوە ئینساندۆستەکان، بەپێشچاوی زوومی کامیرەکانی جیهانەوە؛ پەلاماردانی هێزەکانی پۆلیسی سەرسنورو رێگەگرتن لە پەڕینەوەییان و سنوری دڕکاوی ئەو وڵاتانە بە پشتیوانی هێزەکانی وڵاتانی ئەوروپاو دەزگاکانی فۆرتیکس، ئازارو ناڵەو گریان و ژیانلەدەستدانی ئەوان، دووڕوویی دیموکراسی و مافی مرڤی ئەو وڵاتانەی کردۆتە واقعێکی حاشا هەڵنەگر .ئەمە سەرباری هیشتنەوەی دەیان پەنابەر لەگرتووخانە دەستبەسەرەکانی وڵاتانی لیتوانیاو پۆڵەندا کە لەسەرەتایترین خزمەتگوزاری ژیان بێبەشکراون و لەگەڵ هەڕەشەی دیپۆرتکردنەوە و زەخت و زۆرێک بەرەوڕوون کە ئەوانی ناچار بە نائومیدی کردووە.
هەر بۆیە ئێمە لە فیدراسیۆنی سەراسەری پەنابەرانی عێراقی لەبەریتانیا ئەم خۆپیشاندانە ناڕەزایەتیە ڕادەگەیەنیین تا ژیانی سەدان پەنابەر لە مەترسی مەرگ رزگار بکەین.
بەشداری و هاوپشتیتان نیشانی هاوخەومی و کۆمەکتانە بە بێمافی و بێهیوایی و رزگارکردنی سەدان پەنابەر کە لە نێوان سنوی بیلاروس و پۆڵندان و مەرگ هەڕەشەیان لێدەکات.
بەهیوای بەشداری هەموولایەك
بۆ زنیاری زیاتر پەیوەندی بکەن بەم ژمارە تەلەفونانەی خوارەوە:
٠٧٧٢٠٢٩١٥١٦یان ٠٧٤٠٢٤٨٨٤
IFIR-Ku فیدراسیۆنی سەراسەری پەنابەرانی عێراقی
